billymilja

–

mir chunnt auts züg i sinn und

ig weiss nid wohäre dermit, irgendwie isch

jede schritt gäge füre ufne komischi art ou e

schritt zrügg, ig weiss mir hei aues

versuecht damals und denn hets eifach nid

glängt, vilech wär das hüt angers, das hani

mängisch dänkt, aber vilech ou nid und was wär

denn, weisch, du bisch t

antwort uf au mini frage gsi, du hesch mim

tag so oft e sinn gä und ig ha mini

beste abentür erläbt mit dir, vilech hani z früeh

ufgä, aber ehrlech gseit gloubi das nid, es isch vilech meh

eifach nume es soublöds timing gsi, hätte mer meh

zyt gha, hätte mer meh drus gmacht, vilech isch das e

biuigi usred, i weisses nid, aber irgendwie treit mi der

gedanke mängisch, dasmers wäre gsi, du und

ig, und dasmers überläbt hätte, wenn aues angere

chlei angers wär gsi.

–

13/12/2017

mukla.

©Sibyl Kurz