bevor me nüt meh weiss.

i jedem jahresrückblick
chumi immer nume gad bis zu dir,
bevor mer t wort usgöh, bevor mi
t trurigkeit erschloht.

aber vilech söus so si,
i weisses nid,
vilech muess me sech
anes haubs läbe erinnere,
bevor me nüt meh weiss.

vilech muess me
aues zersch
schritt für schritt verlere,
bisme wieder weiss, wie’s geit.

u vilech muess mes so erfahre,
mitem gsicht ufem asphalt,
auso, dasses nid besser wird,
wenn eifach gnue zit derzwüsche lit,
sondern ersch, weme heilt.

04/03/2026 // 19:36

i vermisse di. und i versprich der, i passe geng guet uf uf mi.

© Sibyl Kurz